Publicado en Día de...

Día Européu de les Llingües

Los 47 estaos miembros del Conseyu d’Europa animen a más de 800 millones d’europeos a aprender otres llingües a cualesquier edá, dientro y fora de la escuela.  Por iniciativa del Conseyu d’Europa n’Estrasburgo, el Día Européu de les Llingües vien celebrándose, dende 2001, el 26 de setiembre de cada añu.

Convencíos de que la diversidá llingüística ye una ferramienta clave para llograr una mayor comprensión intercultural y un elementu clave nel ricu heriedu cultural del nuesu continente, el Conseyu d’Europa promueve el plurillingüismu en toa Europa.

Los idiomes que vas afayar nes siguientes páxines reflexen la diversidá cultural y les tradiciones que conviven nel nuesu continente. Dalgunes de los barganal de 225 llingües natives d’Europa son falaes por millones de persones, ente qu’otres que namá son falaes por un puñáu de persones tán, por desgracia, a puntu de sumir/desaparecer.

//

A lo llargo d’esti pequenu viaxe, vas afayar munches semeyances. Y ye que les llingües europees estremense en trés categoríes principales: eslaves, romances y xermániques. Les llingües de cada grupu tienen raigaños similares, pero a lo llargo de los sieglos caúna tomó’l so propiu camín. Tamién vas aprender les sos diferencies: los sos distintos alfabetos (como’l llatín, el cirílicu, el griegu, l’armeniu y el xeorxanu), que de cutiu utilicen escritures artístiques; la so forma de crear nueves palabres y les sos de cutiu misteriosos oríxenes. Toes elles son úniques y tienen una hestoria que cuntar.

 

 

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *