Publicado en Arte

La naturaleza cósmica» de Yayoi Kusama invade’l Xardín Botánicu de New York

Llevamos años preguntándonos sobro la vida n’otros planetes, si hai y cómo será; en concencia, si hai vida na galaxa, irremediablemente ten d’haber fauna y flora y pue que sía daqué paecíu a esto.

Como si d’una de les lloques películes qu’escurría Tim Burton nel entamu de la so carrera tratárase, les instalaciones de l’artista xaponesa Yayoi Kusama invadieron la tierra enllenándola de color, de plantes y de flores de formes divertidamente esmolecedores.

L’allugamientu concretu foi’l New York Botanical Garden que vio alteriáu’l so ecosistema y la so redolada por estes instalaciones qu’igual broten n’una sala infinita llena de calabaces resplandorientes o nun mar de 1.400 esferes reflectantes.

Esta esposición temporal, lleva por títulu ‘Cosmic Nature’ y ta formada por una serie de pieces que, de manera colosal y llamativa, enllenen tou de los característicos llunares que son marca de la casa de Kusama.

Esta esposición que nos convida a imaxinar cómo sería caminar por otros planetes, va tar espuesta hasta’l 31 d’ochobre y pue que convídenos a cavilgar sobro la nuesa consolancia o, cenciellamente, invádanos cola allegría de los colores y la singularidá de la propuesta.

“La nuesa tierra ye namá un llunar ente un millón d’estrelles nel cosmos; cuando enllenamos la naturaleza y los nuesos cuerpos con llunares, convertímonos en parte de la unidá del nuesu mediu ambiente”

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *