Publicado en NATURA

Búho: consideráu el más grande del mundu

Los búhos son famosos pola so visión. Cola so gran capacidá para detectar y prindar pequenes preses inclusive nes nueches más escures, nun tienen globos oculares redondos como nós. Sicasí, son allargaos y atópense asitiaos n’aníos escleróticos», una estructura ósea nel craniu. Los búhos tienen una visión binocular similar a la de los humanos, una y bones los güeyos tán empobinaos escontra’l frente, lo que-yos brinda (y a nós) una gran capacidá para xulgar l’altor, el pesu y la distancia. Sicasí, ente que los humanos tienen un campu de visión de 180 graos, con aprosimao 140 graos de visión binocular, los búhos solo tienen un campu de visión de 110 graos con aprosimao 70 graos de visión binocular. Lo que-yos falta na visión binocular compénsase cola so visión nocherniega llexendaria y la so visión de futuru.

La so forma tamién apurre un tamañu de retina comparativamente más grande que ta apináu de banielles sensibles a la lluz, lo que nos conduz a les estraordinaries propiedaes de captación de lluz del güeyu del búho que se ven reforzaes en munches especies por una capa reflectante detrás de la retina llamada tapetum lucidum, que reflexa de nuevu nes banielles cualquier lluz que pueda pasar pola retina ensin cutila una per primer vegada.

¿Qué especie de búho tien meyor visión? Paez ser que los búhos leonados son los que tienen los güeyos meyor desenvueltos de toles variedaes de búhos, inclusive de tolos vertebraos, probablemente alredor de 100 vegaes más sensible en niveles de poca lluz que nuesa visión.

¿Y qué hai de los colores del so iris? Ye un aspeutu fascinante. El color del iris ta rellacionáu, en parte, cola hora del día o la nueche en qu’un búho caza. Anque nun se cumple taxativamente en toles especies de búhos, el color de los güeyos tiende a indicar a qué hora del día prefieren tar activos los búhos. Siempres hai esceiciones, pero la mayoría d’ellos caza casi coles mesmes qu’otros búhos del mesmu color que los güeyos, según Raptor Rescue, una organización benéfica de rehabilitación d’aves de presa. Esti venceyu nun s’entiende dafechu, pero hai bastante evidencia: el color de güeyos de les especies correlacionase colos períodos d’actividá diaria.

Los colores tienden a ser marrón escuru o negru para los búhos puramente nocherniegos, naranxa (y casi coloráu) para los búhos crepusculares que cacen a l’amanecida y al atapecer, y el mariellu para los búhos diurnos que cacen mientres el día.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *