Ástures.
Somos los fíos de La Blanca,
hermana del alba y de l’arfueyu.
Nun vistimos,
nel nuesu pescuezu relluma’l bronce,
sobre nós solo ta’l cielu
so nós solo ta’l caballu
qu’un día punxo Epona
la de la gran guapura
comu nun suañu.
¡Ella ye la reina de les praderíes!.
Naide sotiérranos
nun morremos,
solo somos vida y fuercia
y los señores de la espada.
Netu, el gran guerreru
de güeyos grises y pelu prietu,
forxó les nueces falcates,
toes con una martellada desacertá
porque solo la suya ye perfeuta.
El nuesu cantar espierta
a la naturaleza dormia.
L’iviernu terminose,
vamos cruciar los montes
y ella, la fía de Luthien,
va esllagrimar aparente
sobre una llomba verde
mientres cuerre l’agua
abren les flores
y canten les calandries.