Publicado en NATURA

Cabárceno da la bienvenida a un nuevu elefante africanu

Cabárceno da la bienvenida a un nuevu elefante: asina foi la odisea de la so madre, la superviviente’ de la esquitada

La nueva cría ye’l primer elefante de tercer xeneración nacíu n’España.  La so madre, bautizada ‘Cristina‘, tien 14 años y ye considerada una superviviente. Cabárceno va escoyer el nome del nuevu elefante por votación al traviés de Facebook

Tres un llargu recuentu habiendo más de 1500 comentarios, podemos dicir que’l nome ganador foi Neco por una mínima diferencia de 67 votos con Nel.


El Parque de la Naturaleza de Cabárceno acaba de dar la bienvenida a un nuevu elefante africanu. La protagonista, sicasí, ye sobremanera la so madre, bautizada ‘Cristina’, que vivió una odisea desque nació fai 14 años. Los cuidadores considerenla una superviviente.

‘Cristina’ conviertese na primera elefanta africana en ser criada a biberón polos cuidadores de Cabárceno, cunta EFE, dempués de ser refugada pola so madre. Agora, tres una xestación de 20 meses y 18 díes, traxo al mundu al elefante númberu 22 que naz nel parque natural cántabru. Trátase del primeru de tercer xeneración que ve la lluz nun espaciu d’estes característiques n’España, y tamién podría ser el primeru d’Europa.

Una allegría y un desafíu para los cuidadores de los paquidermos de Cabárceno, yá que al ser primeriza y ser refugada pola so madre al nacer, desconocíase cómo diba reaccionar ‘Cristina’ a lo llargo de los primeros meses de crianza y al dar de mamar al so fíu.

La llucha de ‘Cristina’ en Cabárceno
Y ye que’l murniu entamu de la vida d’esta elefanta, nun fixo que tenga un gran instintu maternal.

Al nacer fai 14 años, esta elefanta cutióse una pata y nun pudo incorporase hasta pasaos seis díes a la menada, que los sos miembros, toos ellos, inclusive la so madre, refugó.

Por ello, los cuidadores de Cabárceno decidieron tomar la «difícil decisión» de criala a biberón, daqué que nunca antes se fixo nel mundu», según recuerda a EFE’l xefe de veterinarios de Cabárceno, Santiago Borragán, al pie de esta lluchadora» y la so cría, a la qu’ella sí curia.

“Nun quedó otra que criala a biberón cola dificultá qu’eso trai, una y bones los elefantes mamen mientres trés años o más», esplica Borragán, que foi unu d’esos cuidadores del parque cántabru que pasó hores y hores cola pequeña elefanta.

Sicasí, que la menada nun la aceptara y que solo los cuidadores fueren la so «familia», nun foi l’únicu problema pa ‘Cristina’, una y bones les feríes de la so pata, «que tarden bien de en curase nos paquidermos», obligaron a que l’animal tuviera que tar munchos meses baltáu.

Borragán recuerda que fueron meses duros, nos que la curaba tolos díes la pata a «Cristina» cola “famosa crema de Beranga, que tolos cántabros conocen”.

“Cristina pásalo mal munches vegaes, n’ocasiones despidíamonos d’ella porque nun la sentaba bien la lleche nin la comida, pero a la fin pegó l’estirón, fíxose grande», esplica.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *