Afayen que los páxaros roben pelo de foín/zorro mientres duermen para forrar los sos niales.
Ciertes especies d’aves aprovechen los pigazos de los foinos y otros animales para robar el so pelo y construyir niales más templaos.
Polo xeneral, les aves constrúin los sos niales abargana de la so fonte principal d’alimentu. D’esta manera, facilítase-yos llevar comida a los sos pitucos. Esta xera ye esclusiva d’una temporada curtia nel añu, na que los páxaros dedíquense namá a diseñar un espaciu seguro les sos families. Cachos de tela, cañes, yerbes: toos estos son andamios fayadizos. Güei, un equipu de científicos de la Universidá d´Illinois sabe que tamién usen un material peculiar: pelo de foín y otros mamíferos vivos.
Amueses bien nutríes de pelame
El comportamientu reparóse apocayá nel norte d’Estaos Xuníos. Según l’ecoloxista Jeffrey Brawn, de la Universidá d´Illinois, esta estratexa garantiza que los niales sían espacios templaos para los güevos antes d´eclosionar, como una incubadora natural. Específicamente, l’especialista ablucóse cuando reparó a un páxaru carboneru robar el pelo d’un foín vivu.
Col estudiu, l’equipu d’investigadores al cargu de Brawn documentó el procesu con delles especies. Resulta ser qu’estos robos’ nun son tan poco comunes como se pensaba. Otra manera, ciertes especies d’aves aprovechen les hores de suañu d’animales peludos pa llograr una amuesa bien nutrida de la so pelame. Una vegada completáu’l procesu, llevenlo a casa y usenlo nel so propiu beneficiu.
El comportamientu reparóse específicamente nel casu del carboneru copetudo (Baeolophus bicolor), pero los biólogos aseguren que ye una técnica aprendía tamién polos sos parientes más cercanos. Polo xeneral, llogren el pelo de foín cuando los animales tán dormíos, pero tamién utilicen la pelame d’otros mamíferos carnívoros —ensin importar que los animales tean vivos o muertos. La única característica común ye qu’asocede cuando camuden d’abrigu.
Los robos de les aves asoceden de manera comenenciosa. Los páxaros aprovechen el cambéu d’estación pa furtiar el pelo de foín, lo mesmo que de otros depredadores más grandes, esactamente cuando los animales esprenden más pelame, y ye posible llevase una amuesa más arrogante.
Lo que sosprendió a los científicos ye que los animales nun paecen fadiase con esta conducta. Otra manera, nun los importa enforma, asegura Brawn:
«Esto asocedió a un mapache vivu con garres y dientes. Y a’l mapache nun paeció importa-y porque nin siquier espertóse», detalló l’espertu dempués d’un avistamientu casual.
Según el biólogu, el problema ye que la documentación esistente hasta agora d’estos comportamientos ye d’observadores aficionaos. La investigación científica, en contraste, ye escasa. A pesar d’esto, a partir del estudiu, Brawn y el so equipu aseguren que’l beneficiu que los páxaros non yá tien que ver con construyir un nial templáu.
Ellos piensen que ye posible que la pelame ayude a repeler ciertos parásitos que pueden estropiar gravemente a les críes, según l’artículu publicáu n´Ecology. A partir del analís xeográficu de cada especie, los científicos esperen atopar más motivaciones de les especies pa robar el pelo de los foinos, perros, caballos y demás especies mientres duermen.