Asina foi’l pasu de los guilandeiros de Tinéu pol pueblu d’El Pedregal: «Empresta enforma volver velos».
La tradición tresmítese a les nueves xeneraciones
Los Guilandeiros de Tinéu percorrieron güei El Pedregal y Caeras. La trentena de personaxes de la mazcarada enllenaron estos pueblos de bulla y fiesta, recordando a los más mayores otros tiempos y buscando nueves incorporaciones ente los más pequeños pa caltener la tradición.
Colos xamasqueiros encabezando la comitiva, los Guilandeiros llegaben esti mediudía hasta El Pedregal, pa pidir l’aguilando colos sos bailles y cánticos. La tradición recuperóse va agora 13 años, pero nel pueblu entá recuerden otros tiempos, cuando cuasi cada parroquia del conceyu cuntaba con una mazcarada.
Pa toos ellos interpretaron la minicomedia ‘El Casorio’ y nun faltaron les trastaes qu’acompañen a la mazcarada, onde los más pequeños son los cómplices perfectos.
