El pasáu 11 de xunetu de 2022 el Conseyu de Ministros alcordó la declaración del 17 de marzu Día del Cómic y del Tebéu, midida para impulsar el sector, reconociendo’l papel de los sos profesionales na vida social y cultural.
Cumplíase asina con una de les principales midíes reivindicaes pol sector del cómic para llograr mayor visibilidá y reconocencia, propuesta que taba incluyida na Proposición Non de Llei “sobro la reconocencia y dignificación del sector del cómic n’España” qu’aprobaron por unanimidá tolos grupos parlamentarios el 19 d’ochobre de 2021.
D’esta manera’l próximu 17 de marzu España va vivir la so gran fiesta del cómic y del tebéu, xuna celebración cola que’l Gobiernu d’España que pretende reconocer el valor del cómic y del tebéu, el pesu de la so hestoria y la so importancia nel contestu actual, la so diversidá, creatividá y calidá.
Precisamente’l pesu del cómic na nuesa hestoria ye’l motivu de la elección del día 17 de marzu, escoyíu n’honor al entamu de publicación de la mítica revista d’historietes TBO, que dio nome al propiu fenómenu de la llectura en viñetes n’España y que se caltuvo nel nome d’esta celebración como un chisgo a la creación española.
El Día del Cómic y del Tebéu cunta cola collaboración de Sectorial del Cómic, entidá qu’arrexunta a una parte destacada del sector, y qu’anima a tolos axentes culturales a desenvolver una axenda d’actividaes que trate de llevar el cómic a tolos rincones del país.
