Publicado en Mazcaraes

“Mazcaritos d’Uviéu” recupera l’antroxu tradicional nel conceyu d’Uviéu

Semeya d’Iván G. Fernández

Nuna ciudá onde’l propiu ayuntamientu inora l’antroxu, una asociación busca caltenelu vivu. Frente a esto, l’asociación “Mazcaritos d’Uviéu” plantégase recuperar la tradición uvieína venceyada al antroxu llocal. D’esti mou, busquen recuperar les mazcaraes urbanes qu’había n’Uviéu’l sieglu pasáu y de les que yá dexare constancia’l famosu pintor Evaristo Valle en 1928.

Los mazcaritos d’Uviéu presenten semeyances con otres mazcaraes d’hibiernu d’Asturies como los Sidros y Comedies.

Acordies cola investigación hestórica, paez ser que l’orixe taría nes carroces y moxigangues del Corpus del sieglu XVII, l’antroxu popular y carnaval burgués del XIX que, col tiempu, taríen a piques de desapaecer por mor de les torgues franquistes del sieglu XX.

La primer vez que volvieron los Mazcaritos foi nel antroxu de 2017, onde se volvió a recuperar esta práutica pel barriu Antiguo, participando nos Alcuentros de Mazcaraes d’Hibiernu de Valdesoto y nel Festival de Máscara Ibérica de Lisboa (2017,2018 y 2019). La presentación del artista Ánxel Nava, cabezaleru del coleutivu y autor de la investigación, acompáñase con música de zanfona (Celia González Baschwitz) y personaxes antroxando.

Esta xornada prestosa de divulgación va desendolcase nel Llar La Llegra (Cai  El Postigu Baxu 40, Uviéu) esti xueves a les 19:30h.

Mazcaritos d’Uviéu

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *