Publicado en Curiosidaes, NATURA, Sin categoría

El viaxe de 17 meses a nenguna parte de «la familia de la ñariz curtia»

En percorriendo 600 kilómetros en 16 meses en dirección norte, la menada china qu’abluca’l planeta diéronse la vuelta. Los únicos trés machos estremaron de la gran cola pocos meses dempués. Dos enfiláronse.

Una menada d’elefantes que llamó l’atención del mundu enteru cuando una migración pol China, mientres más d’un añu, paez que finalmente torna a casa. Los animales caminaron alredor de 500 km a lo llargo de la provincia china dende Yunnan, llegaron a la ciudá de Kunming, y depués empecipiaron el regresu. La menada, con un total de 14 elefantes, crució’l ríu Yuanjiang el domingu pela nueche.


Imaxe: Brigada Forestal de Yunnan / AFP

Afortunadamente, toos caltuvieron bona salú mientres tola pelegrinación y agora tán llegando a la so reserva natural orixinal, alministrada pela ciudá de Puer. Según les autoridaes locales, en rueda de prensa, más de 150 persones fueron sacupaes del camín de los animales mientres el so percorríu.

El viaxe foi llargu: los elefantes tuvieron viaxando mientres 17 meses. La reserva natural de Mengyangzi, onde vivíen antes d’empezar el so viaxe, atoparonse na prefectura autónoma de Xishuangbanna Dai, nel sur de China, cerca de la frontera con Myanmar.

Cuando salieron de Mengyanjzi l’añu pasáu, los elefantes empecipiaron un viaxe inesperáu escontra’l norte del país, siendo reparaos con güeyos sollertes por curiosos, ambientalistes y autoridaes chines, quien nun pueden dicir el motivu del llargu viaxe.

Mientres tou esti tiempu, el grupu pasó por dellos condaos, como Mojiang y Eshan, apaeciendo en distintos pueblos y ciudaes. Depués, cuando llegaron a la rexón de Kunming, camudaron de dirección y entamaron el viaxe de regresu a casa.

Mientres tol camín, les autoridaes chines siguieron a los elefantes y trataron d’emponelos de regresu a casa.

Según los medios locales, un comité d’emerxencia creáu pa remanar a los elefantes ta utilizando barganales eléctricos y cebos, amás de construyir caminos artificiales p’asegurase de que sigan la ruta correcta. Tamién se tán utilizando drones pa esviar a los elefantes d’árees onde podríen faese dañu a sí mesmos pa les persones.

Wan Yong, líder del equipu de monitoreo, informó que la ruta de migración foi «científicamente planiada» y que’l comité «va esforciase por dexar que los elefantes tornen al so hábitat lo más rápido posible y espolleten».

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *