Publicado en DEP, Llibros Reciella

Con enorme tristeza/murnia despidímonos d’Adela Turin

Con enorme tristeza/murnia despidímonos da autora italiana Adela Turin, que finó la xornada pasada en Reinu Uníu a los 82 años… Pionera nel tratamientu de la coeducación y l’igualdá al traviés de la Lliteratura Infantil y Xuvenil.

Quédanos el so pervalible legáu creativu, que tantu estimamos: «Rosa carambelu», «Arturo y Clementina», «Una feliz catástrofe», «La hestoria de los bonobos con gafes»... llibros ilustraos por Nella Bosnia que, dende los años 70 y col lema ‘A favor de les neñes’, contribuyeron -y siguen siendo entá tan necesarios- a poner en valor el rol femenín na sociedá, erradicar los estereotipos sexistes y la discriminación, camudar mentalidaes y construyir un mundu meyor. Hasta siempres y Milenta gracies!!!

Rosa carambelu. Ye probablemente’l so cuentu infantil más famosu. Tamién foi editáu por Kalandraka de nuevu esta hestoria de la elefanta Margarita y les sos compañeres de menada, toes cola piel rosa menos ella. Ye una obra a la que recurren como material educativo munchos docentes na actualidá.

Una feliz catástrofe. Cunta la hestoria d’una familia de mures liderada pola señora Mure dempués de qu’una catástrofe déxe-yos ensin llar y camude radicalmente les sos vides.

La hestoria de los bonobos con gafes. Los bonobos nun aceptaben que les femes de la familia pudieren aprender y evolucionar como ellos.

Arturo y Clementina. Ye una de los cuatro obres reeditaes por Kalandraka de la mítica colección «A favor de les neñes». Esta fábula reivindica’l rol femenín na sociedá y fomenta la igualdá de xéneru denunciando la discriminación.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *