Ernesto García del Castillo, NETO: wiki / Facebook /
Empezó la so andadura na mítica revista El Falpayar, y collaboró n’infinidá de publicaciones, tantu asturianes como nacionales, especialmente en La Nueva España, La Fueya del Llunes, El Periódicu de Cataluña y otros periódicos del Grupu Z, La Voz d’Asturies o El Comerciu.
Los sos dibuxos fueron arrexuntaos en dellos llibros y formáu parte de delles esposiciones que percorrieron el territoriu nacional ya internacional. Foi galardonáu col Premiu Mingote de Periodismu Gráficu en 2009, tamién foi premiáu con un Premiu de Periodismu d’Unicef y ganó el Haxtur al Humor del Salón Internacional del Cómic de Xixón en dos causes.
Como ilustrador publicó casi un centenar de llibros. Tamién tien delles publicaciones como narrador en llingua asturiana, cultivando literariamente la variedá occidental. Dende 1986 ye miembru de l’Academia de la Llingua Asturiana. La so faceta de pintor, más recién, llévalu a celebrar hasta’l momentu 4 esposiciones nes que sosprendió col so personal ya inconfundible estilu. Ye una faceta onde s’atopa especialmente cómodu yá que puede dar rienda suelta a la so creatividá, consiguiendo unes composiciones llenes d’orixinalidá onde la llínea ye la protagonista.
