En total, 12 destinos nacionales y ocho internacionales, operaos por cinco aerollínees, con precios dende 40 euros día y vuelta.
Esti iviernu, l’aeropuertu d’Asturies cunta con 20 destinos con vuelu directu, colos qu’algama «el mayor númberu de conexones de la so hestoria», tal que manifestó’l presidente Barbón na so cuenta de Twitter. En total, 12 destinos nacionales y ocho internacionales, operaos por cinco aerollínees: Iberia, Volotea, Vueling, Ryanair y Binter.
Los destinos nacionales con vuelu directu son: Madrid, Valencia, Alicante, Mallorca, Barcelona, Sevilla, Málaga, Tenerife Norte, Tenerife Sur, Gran Canaria, Fuerteventura y Lanzarote. Dublín, París (aeropuertu d’Orly), Londres (aeropuertu de Gatwick y aeropuertu de Stansted), Ámsterdam, Bruxeles (aeropuertu de Charleroi), Düsseldorf (aeropuertu de Weeze) y Roma (aeropuertu de Fiumicino) son los destinos internacionales colos qu’ufierta conexón directa l’aeropuertu asturianu.
Según el comparador de vuelos Skyscanner, los vuelos a Roma o Bruxeles, por casu, ronden los 120-150 euros día y vuelta el mes d’ochobre, dependiendo de los díes, ente que a Sevilla o Mallorca ronden los 40-50 euros día y vuelta.