- Fonte: Tiempu n’Asturies
Alborecemos col cielu poco nuboso en xeneral con dalgo más de nubosidá baxa pela costa ya con unes temperatures que tan alrodiu de los 5ºC, rexistrándose nel puirtu Payares 4,3ºC.
Güei vamos tener el cielu poco nuboso o escampláu na fastera surocidental d’Asturies y cordelera con dalgo de nubosidá estratificada nel llitoral que pela tarde dirá estendiéndose a otres zones d’Asturies. L’aire sedrá sele ya variable con predominiu de la componente norte y dalguna racha moderada del nordés en zones altes ya en puntos del llitoral.
Mañana sábadu alboreceremos con nubosidá baxa na metá norte d’Asturies, tando escampláu nel restu con unes temperatures mínimes que subirán ellí onde te’l cielu nuboso, mentantu les másimes camudarán poco. L’aire sedrá sele ya variable y s’abrirán grandes claros nes hores centrales del día.
El domingu la nubosidá sedrá más abondosa y descenderán llixeramente les temperatures másimes, mentantu que les mínimes van medrán dalgo más por mor de les nubes y nel entamu de la selmana viniente tendremos nubes dalguna gotera ya poco más cola previsión de que se vaya complicando cada vegada más el tiempu a partir de mediados de selmana pero esto yá lu diremos viendo.
