Los primeros en salir son los Aguilandeiros de San Xuan de Villapañada. Ye la primer mazcarada d’iviernu de les esistentes nel país en pidir l’aguilandu.
- Fonte: Asturies.com
- Semeya propiedá de los Aguilandeiros de San Xuan de Villapañada.
La vieya, l’osu, el médicu, l’escobón, los maragatos… Los personaxes de Los Aguilandeiros de San Xuan de Villapañada yá tán preparaos pa salir mañana p’animar la parroquia.
La comparsa va salir a les 10 hores del albuergue de San Xuan, pa tirar contra Rozaes, llegar a Acebéu a eso de les 12 y aportar en La Llinar a les 14 hores. La llegada énte la ilesia ta prevista pa les 15 hores pa siguir la folixa con una merienda.
La música y les trastaes nun fallen nesta xornada de la primer mazcarada d’iviernu en salir pa pidir l’aguilando peles cases. La próxima va ser Os Reises del Valledor el 30, mentes que’l Guirria va percorrer San Xuan, como ye vezu, l’añu nuevu xunto colos aguilandeiros.
