Publicado en Sin categoría

Pallabreru de la Informática: #Restol@andoPelaRede

Güei queremos dar anuncia d’un cartafueyu nuevu: # Restol@andoPelaRede (Pallabreru de la informática). La publicación inclúi una 🔎 guía d’aplicaciones y programes n’asturianu con una esplicación cenciella de caúna.

Una parte básica del trabayu pola dignificación social del asturianu pasa por averalu a les distintes estayes de la sociedá, por usalu con normalidá en tolos ámbitos: anguaño vivimos arrodiaes y arrodiaos de pantalles; la pandemia obligónos a decatanos de que podemos facer una montonera de coses con un ordenador, una tableta o un teléfonu móvil (🛍 mercar, 👩‍💻🧑‍💻 teletrabayar, 🖼📚🎥🎙 consumir productos culturales, 💫 facer trámites coles alministraciones, 📰 tar al día de lo qu’asocede nel mundu o tener más cerca a les persones que queremos 📧💟💬, por poner dalgunos exemplos).
Sabemos que pa delles persones, sobre too pa les de más edá, ye dificil movese nesti mundu d’aparatos interconectaos, novedaes casi diaries, noticies falses y videos virales, cables per dayuri y palabres que naide nun-yos esplica: poro, queremos ufierta-yos una ferramienta pa que sepan qué ye qué nesto de la informática, Internet, les redes sociales o les apps móviles.
Pa la xente más mozo, lo dixital ye dalgo colo que trabayen davezu. Sicasí, seguramente nun conozan cómo entamó, pali pali, a usase l’asturianu nos distintos programes informáticos 🌐 o cuáles foron les primeres páxines web nel nuestru idioma.

3 comentarios

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *