Publicado en Ciencia, Videu

Serie d´animación «La muyer na Ciencia»

Una de les llimitaciones por que más neñes quieran siguir una carrera científica ye la falta de referentes femeninos nestos campos. Coles mires de acabar con esti hándicap, el Muséu de Ciencies Universidad de Navarra presenta’l proyectu “La muyer na ciencia”: una serie d’animación que narra, al traviés de pequenos videos y nun tonu divulgativu, la biografía de científiques relevantes nel so campu pero que resulten desconocíes para’l públicu xeneral.

Les ilustraciones y l’animación del vídeu d’esti proyectu son del profesor de bioquímica Iñigo Izal Azcárate y la narración en voz en off cuerre al cargu de la periodista Eva Lus (Radio Universidá de Navarra). Tamién collabora nesta serie d’animación el grupu Women for Science and Technology y distintes persones espertes asesoren na ellaboración de los guiones de les distintes biografíes.

Vamos Dir añediendo los videos a midida que vaigan apaeciendo. VER VIDEOS…

Pel momento, les protagonistes d’estes hestories son la microbióloga Alice Catherine Evans (1881-1975), la enfermera y estadística Florence Nightingale (1820-1910), la bióloga y divulgadora Rachel Louise Carson (1907-1964), l’astrónoma Cecilia Payne-Gaposchkin (1900-1979), Margarita Salas (1938-2019), June Almeida (1930-2007), Isabel Morgan (1911-1996), Ada Lovelace (1815-1852)…

Autor:

Maestra de Llingua Asturiana Colexu Carmen Ruiz-Tilve - Uviéu