Publicado en Artículos

El sele paséu de cuatro xabalíes poles cais de Xixón

Una patrulla de la Policía Nacional captó en vídeu la pasada madrugada a cuatro exemplares de suidos. Los xabalíes siguen enfusándose na zona urbana de Xixón. Si va unos díes varios exemplares de xabalíes fueron vistos pola contorna de l’avenida de Gaspar García Llaviana, mientres la pasada madrugada una piara de suidos foi captada por una patrulla de la Policía Nacional pela redolada de la plaza de Toros y l’encruz de Pintor Marola con Ezcurdia.

Los axentes grabaron a los animales dende’l coche patrulla, pero nun se realizó intervención dalguna. «Mira, pol pasu de peatones, perbién», comenta unu d’ellos al reparar que los xabalíes casi crucien pol pasu de cebra y col semáforu en verde.

Dende la declaración del toque de queda, esta peculiar escena ye cada vez más habitual, una y bones los xabalíes aprovechen les cais vacíes para buscar comida.

 

Autor:

Maestra de Llingua Asturiana Colexu Carmen Ruiz-Tilve - Uviéu

Un comentario sobre “El sele paséu de cuatro xabalíes poles cais de Xixón

Los comentarios están cerrados.