‘Atochecíos’ cola tele: los asturianos, los españoles que más televisión peracaben al día. Los asturianos pasen, de media, 213 minutos frente a la televisión acaldía (cada día).
Llegar a casa tres un llargu día, sentase nel sofá y encender la tele. Un actu que paez que los asturianos repiten con muncha frecuencia, yá que son los españoles que mayor consumu televisivu realicen al día, con un total de 213 minutos de media. Esta cifra asitiase bien percima de la media nacional, que n’avientu s’estableció en 3 hores y 5 minutos (un 8% menos que’l mesmu mes del añu 2022).
Los espectadores únicos acumulaos nel mes algamen la cifra de 43,6 millones, que representa’l 94,4% de la población, que sí contacta col mediu televisivu n’avientu 2023. Amás, 28,1 millones d’españoles ven acaldía la televisión siquier un minutu, esto ye, el 60,8% de la población. Otra manera, hai 2,6 millones de ‘telefóbicos’, el 6% de la población, que nun hai vistu en nengún momentu la televisión esti mes.
Los grupos sociodemográficos que más tiempu peracaben televisión (persona/día) son les muyeres (199 minutos) y los mayores de 64 años (345 minutos) y, por rexones, Asturies (213 minutos), Castiella-La Mancha (212 minutos) y Castiella Llión (201 minutos).
