Publicado en Astronomía, Curiosidaes

La NASA ‘afaya’ un exoplaneta paecíu a la Tierra que podría tener agua líquido

Dotted Yeti / Shutterstock

Unu de los mayores retos de la ciencia espacial ye atopar un planeta que cumpla coles característiques necesaries para soportar la vida, cola esperanza de que cuando la tecnoloxía dexe podamos tener una colonia nesi mundu.

Afortunadamente, los astrónomos yá cunten con dellos candidatos, ente ellos un planeta que foi mal etiquetáu nel pasáu.

ESO/M. Kornmesser/N. Risinger (skysurvey.org)

D’alcuerdu a un artículu publicáu en The Astrophysical Journal Letters, un equipu internacional de científicos afayó un exoplaneta del tamañu de la Tierra, cola capacidá d’allugar agua nel so estáu líquidu.

Thomas Zurbuchen, alministrador acomuñáu de la Dirección de Misión Científica de la NASA, comentó que’l descubrimientu d’ese intrigante y distante mundu da-yos xuna esperanza a los científicos d’atopar una segunda Tierra.

L’agora famosu exoplaneta llámase Kepler-1649c, y orbita xuna nana colorada dientro de la zona habitable del so sistema, a una distancia na cual los planetes predresos —como’l nuesu— reciben l’abonda radiación solar pa caltener l’agua n’estáu líquidu.

Kepler-1649c ye prácticamente del mesmu tamañu que la Tierra, y recibe el 75% de la cantidá de lluz que recibe’l nuesu planeta de Sol. Gracies a tou eso, ye unu de los exoplanetes más vidables pa vivir.

Acordies con los investigadores, esti planeta que s’atopa a 300 años lluz de la Tierra. Ye’l más similar en cuanto tamañu y temperatura de los miles d´exoplanetas descubiertos pol telescopiu espacial Kepler.

L´exoplaneta Kepler-1649c, la so estrella anfitriona y Kepler-1649b

Los científicos afayaron el planeta, gracies a que volvieron analizar les observaciones más antigües del programa de telescopios espaciales Kepler. El planeta Kepler-1649c orbita la so estrella a una distancia curtia. Xuna rotación completa tómalu tan solo 19.5 díes terrestres.

«De tolos planetes mal etiquetaos que recuperemos, este ye*particularmente emocionante, non yá porque ta na zona habitable y del tamañu de la Tierra, sinón por cómo podría interactuar con esti planeta vecín», comentó Andrew Vanderburg, investigador principal del artículu.

Los dos planetes predresos orbiten a la so estrella anfitriona nuna proporción esacta: Kepler-1649c completa nueve órbites en casi esactamente’l mesmu tiempu que’l planeta interior completa cuatro órbites.

Los investigadores creen qu’esto podría faer que’l sistema sía desaxeradamente estable, mientres un llargu períodu de tiempu.

«Mientres más datos llogramos, más signos vemos qu’apunten a la noción de que los exoplanetas potencialmente habitables y del tamañu de la Tierra son comunes alredor d’esti tipu d’estrelles», dixo Vanderburg.

«Con nanes coloraes en casi toes partes alredor de la nuesa galaxa, y estos pequenos planetes potencialmente habitables y predresos al so alredor, la posibilidá de que xuna d’elles nun sía bien distinta a la de la nuesa Tierra paez un pocu más brillosu», concluyó l’investigador.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *