- Fonte: RTPA /L’aeropuertu asturianu medra hasta rozar el millón y mediu de pasaxeros en 2022
- Aeropuertu de Ranón /WIKI / Aerolínies / Destinos /imaxes /
- 1.454.763 pasaxeros en 2022
- 12.189 operaciones en 2022
- 9 tonelaes de carga en 2022
L’Aeropuertu d’Asturies superó’l tráficu rexistráu en 2019 y rozó’l millón y mediu de pasaxeros l’exerciciu pasáu, según el balance qu’ufiertó esti martes Aena, que tamién destacó’l datu de que la terminal algamó’l meyor avientu de la so historia con cerca de 140.000 viaxeros.
En concreto, l’eródromu asturianu zarró 2022 con un total de 1.454.763 pasaxeros, una cifra que supón una medría d’un 2,6% del total añal de 2019 y qu’afita la recuperación del tráficu na infraestructura asturiana, según l’ente públicu.
El balance del añu 2022 dexa datos positivos na terminal aérea que, de siguío dende’l mes de mayu, afitó una tendencia al alza y superó los rexistros de tráficu de los años enantes de la crisis sanitaria.
L’Aeropuertu d’Asturies atópase asitiáu nel términu municipal de Castrillón, a 15 kilómetros d’Avilés, 40 de Xixón y 47 d’Uviéu.
Mientres los últimos años acometiéronse diverses reformes (adecuación del campu de vuelos, ampliación de la plataforma d’estacionamientu d’aeronaves y ampliación del edificiu terminal) col fin de dotar al aeropuertu d’unes meyores infraestructures y servicios.
El tráficu esistente nel Aeropuertu d’Asturies correspuende principalmente a vuelos d’aviación comercial con un marcáu calter regular, tantu de procedencia nacional como internacional.
