51 empreses súmense en Xixón al sellu ‘SCTE Destín Seguru’. Mediu centenar d’establecimientos turísticos amuesen en Xixón el sellu ‘SCTE Destino Seguro’, de la Secretaría d’Estáu de Turismu.
51 empreses y servicios llocales, públicos y privaos, tan distinguíos col sellu ‘SCTE Destino Seguro’. La Secretaría d’Estáu de Turismu da esti sellu a les empreses y servicios que demuestren la so capacidá p’adaptase a la situación d’anguaño adoptando normes y protocolos sanitarios: serviciu controlao y seguro, planes de continxencia, planes de llimpieza, caltenimientu y formación del personal.
Por númberu de distinciones, destaquen los restoranes, siguíos d’hoteles y apartamentos turísticos, museos y centros d’interés visitables. Tamién reciben la distinción la oficina d’información turística Infoxixón y el Teatru Xovellanos, ente otros servicios.
Estos establecimientos superaron una evaluación realizada por personal esterno cualificao. Nesta evaluación, demostraron cumplir con tolos requisitos que tan nes Bones Práutiques Avanzaes SICTED COVID-19.
Con esti sellu, la Secretaría d’Estáu de Turismu sofita los esfuercios por garantizar la prevención y la seguranza en destín. Arriendes d’ello, toes estes empreses y servicios distinguíes cunten tamién col sellu adicional ‘Compromiso de Calidad Turística’.
P’algamar esti distintivu, Xixón Turismu presta asistencia a empreses y entidaes públiques nel procesu, pa informar, esplicar y resolver dubies sobro las midíes hixénicu-sanitaries a aplicar pa la reducción de la contaminación por coronaviru y sobro los requisitos llegales de cumplimiento opbligao a esti respeutu.
El llistáu d’empresas y servicios turísticos con sellu ‘SCTE Destino Seguro’ pue consultase en https://gijonturismoprofesional.es/es/profesionales-comprometidos/gijonxixon-destino-seguro
Fai yá un añu Xixón empezaba a trabayar col sellu SCTE Destín Seguru, un programa empobináu a empreses y servicios participantes nel programa SICTED (Compromisu calidable Turística), que busca acreditar a estes entidaes nel marcu de les midíes adoptaes para la prevención y l’amenorgamientu del arimo frente a la Covid 19.