Día Mundial de la Poesía, celebráu cada añu’l 21 de marzu, conmemora una de les formes más preciaes de la espresión ya identidá y llingüística de la humanidá. La poesía, practicada a lo llargo de la hestoria en toles cultures y en tolos continentes, fala de la nuesa humanidá común y de los nuesos valores compartíos, tresformando’l poema más simple nun poderosu catalizador del diálogu y la paz.
La UNESCO adoptó per primer vegada’l 21 de marzu como Día Mundial de la Poesía mientres la so 30ª Conferencia Xeneral en París en 1999, coles mires de sofitar la diversidá llingüística al traviés de la espresión poética y fomentar la visibilización d’aquelles llingües que s’atopen en peligru.
El Día Mundial de la Poesía ye una ocasión para honrar a los poetes, alicar tradiciones orales de recitales de poesía, promover la llectura, la escritura y l’enseñanza de la poesía, fomentar la converxencia ente la poesía y otres artes como’l teatru, la danza, la música y la pintura, y aumentar la visibilidá de poesía nos medios. A midida que la poesía sigue xuniendo persones en tolos continentes, toos tán convidaos a xunise.
