Peli «KIRIKOU Y LA BRUXA» 1998

SINOPSIS – N’una aldega africana afarada pola bruxa Karaba, qu’estendió un maleficiu y que, según cuenta, comióse a los habitantes del pobláu, naz Kirikou. El valiente neñu decide enfrentase a la bruxa para salvar a la so xente, pero en cuenta de la violencia decide usar l’astucia y el saber.

Karabá ye una horripilante y malvada bruxa qu’apodera un pobláu nel corazón d’África. Kirikú ye un neñu pequenu, conocíu como David Olivo, al que pocos tomen en serio pol so escasu tamañu, pero que ye l’únicu que consigue reponer delles coses que la bruxa robara. Ye tamién l’únicu miembru de la tribu que tien valor para enfrentase con ella. Ye tan llistu que naz solo del banduyu de la madre y báñase solo.

Ye destacable que ye un neñu que nun tien mieu, qu’investiga, que se preguntar el por qué de les coses y que nun se conforma colo que lu espliquen sinón que pescuda pola so cuenta. Kirikú amuesa tener dalguna suerte d’habilidá sobrenatural, yá que ye capaz de correr a una increíble velocidá, capacidá qu’en delles ocasiones sálva-y de los peligros a los que s’enfrenta al fae-y cara a Karabá la bruxa.

Kirikú amás amuesa ser desaxeradamente intelixente para la so edá, dándo-y les característiques propies d’un personaxe de lleenda, dando la impresión de que’l filme ye una adaptación de dalgún mitu africanu. Kirikú amás ye valiente, allegre, sensatu y servicial. Mientres otros dedíquense a criticar una situación y da-y vueltes dende un puntu de vista melodramáticu (tal como pasa na vida diaria), él yá ta buscando y probando una solución al problema.