Para crear conciencia sobro la importancia de los polinizadores, les amenaces a les que s’enfrenten y el beneficiu pa tola Tierra. Les abeyes non solo ayuden al planeta na polinización de plantes sinón que col so trabayu apurren al home diversos productos que tienen munchos beneficios pa la salú.
- Fonte: Día de… /
- Abeyes: wiki / semeyes / 5 coses que nun sabes /
- Videos: La abeya 🐝 Animales pa neños 🍯 Ep. 4 / Cómo se fai el miel /
Les abeyes son los animales más laboriosos de la tierra y col so trabayu beneficien a les persones, al mediu ambiente y a la naturaleza. Al tresportar el polen d’una flor a otra consiguen qu’haya una variedá de frutes, verdures y granes increíble y qu’amás les colleches sían de meyor calidá, contribuyendo asina a la seguridá alimentaria y a nutrición. Y nun digamos de la producción de miel, cera y otros productos deliciosos y nutritivos pa les persones.
Les abeyes, que tán ente les criatures más aballadores del planeta, lleven sieglos beneficiando a les persones, les plantes y el mediu ambiente. 🐝🐝🐝. Al tresportar el polen d’una flor a otra, les abeyes y otros polinizadores non solo faen posible la producción d’una bayura de frutes, frutos secos y granes, sinón tamién más variedá y meyor calidá, contribuyendo asina a la seguridá alimentaria y la nutrición. Dalgunos polinizadores como les abeyes, les aves y los esperteyos inciden nel 35 % de la producción agrícola mundial, alzando la producción de 87 de los principales cultivos alimentarios del mundu, y de munchos melecines derivaes de les plantes.
El 75 % de los cultivos de too el mundu que producen frutes o granes pa usu humanu como alimentu dependen, siquier en parte, de los polinizadores.❤️
Foi n’ochobre de 2017 cuando l’Asamblea Xeneral de Naciones Xuníes proclamó’l 20 de mayu como Día Mundial de les Abeyes, coincidiendo cola fecha de la nacencia d’Anton Janša, quien nel sieglu XVIII foi pioneru nes técniques modernes d’apicultura nel so país natal, Eslovenia y reconoció a estos insectos pola so habilidá para trabayar duramente y riquiendo al empar bien poca atención.
