Publicado en NATURA

Afayen un inmensu continente somorguiáu debaxo d’Islandia

Crédito: University of Durham.

Islandia ye solo la punta d’un vastu continente somorguiáu, que tien una superficie de 371.000 kilómetros cuadraos con posibles recursos minerales ya hidrocarburos ensin esplotar. Según los científicos, esistiríen más continentes ocultos n’otres partes del mundu.

Un nuevu estudiu desenvueltu por investigadores de la Universidá de Durham sostien qu’Islandia ye la parte visible d’un enorme continente ocultu so les agües oceániques: trátase d’un área del supercontinente llamáu Pangea, que según les teoríes establecíes estremóse fai más de 50 millones d’años. El territoriu somorguiáu estiendese a lo llargo de 371.000 kilómetros cuadraos, dende Groenlandia hasta la mariña d’Europa.

D’alcuerdu a una nota de prensa de la Sociedá Xeolóxica d’Estaos Xuníos, la investigación non solamente puede revolucionar al ámbitu de les geocienciws, sinón amás tener fuertes implicaciones polítiques y xurídiques. Ye que’l continente somorguiáu podría tener recursos enerxéticos y minerales ensin esplotar, d’una gran trescendencia económica en función de la so escasez a escala global.

Pero equí nun acabaría’l problema, porque los científicos británicos argumenten na so investigación que probablemente estos continentes ocultos podríen afayase tamién n’otres rexones del planeta. De confirmase esta hipótesis, podría dar entamu a una verdadera «guerra internacional» pol usu de los recursos inertes somorguiaos.                                                                    

Recursos somorguiaos

La Convención de les Naciones Xuníes sobre’l Derechu del Mar establez que los estaos costeros podríen aprovechar los recursos hidrocarburíferos o minerales esistentes no fondero marín, siempres y cuando pueda demostrase científicamente que la porción somorguiada forma parte de la mesma estructura que la plataforma continental remanecida de #cada estáu.

Nun ye bien difícil imaxinar los fuertes discutinios qu’esto podría provocar por intereses económicos y xeopolíticos, sobretou nel casu d’estaos estremeros o cuando un estáu detenta un territoriu n’otru continente, como asocede nel casu de los pocos enclaves coloniales qu’entá esisten nel planeta.

Pangea foi un gran supercontinente qu’esistió fai 335 millones d’años, sobre fines de la era Paleozoica y empiezos de la era Mesozoica. Arrexuntaba prácticamente a la totalidá de les tierres remanecíes del planeta, con una superficie qu’algamaba los 93 millones de kilómetros cuadraos.

Les teoríes anguaño en vixencia indiquen que se quebró fai más de 50 millones d’años, dando llugar a los continentes que güei conocemos. Sicasí, si’l nuevu estudiu publicáu pola Geological Society of America  ta no cierto, Pangea nun se desarmaría «» por completu. En realidá, solamente fizose na porción visible de los territorios, permaneciendo delles uniones en forma de continentes somorguiaos.

Esto esplicaría l’estrañu casu d’Islandia, qu’asora a los especialistes. Per un sitiu, créese que ta construyida y arrodiada de corteza oceánica. Sicasí, distintos datos xeolóxicos ponen esto en dulda: la corteza debaxo d’Islandia tien más de 40 kilómetros d’espesura, esto ye que ye siete vegaes más gruesa que la corteza oceánica normal. Según los científicos, esto directamente nun tien una esplicación lóxica.

La esistencia d’un continente somorguiáu nes bases d’Islandia podría refundiar lluz sobre’l so estrañu casu, pero amás podría derrumbar nun riguilete toles teoríes establecíes tocantes a la estensión de la corteza oceánico y continental na rexón del Atlánticu Norte, per un sitiu, y tamién faer lo mesmo con al respective de los conceutos relativos a los procesos de formación de les isles volcániques en tol globu.

¿Va Cuntar el nuesu planeta con una estensa formación continental somorguiada heredada de la Pangea? Nuevos estudios van poder confirmar o non esta revolucionaria idea.


«Icelandia», In the Footsteps of Warren B. Hamilton: New Ideas in Earth Science. Gillian R. Foulger, Laurent Gernigon, Laurent Geoffroy. Geological Society of America (2021).DOI:https://doi.org/10.1130/2021.2553(04)


El nuevu continente atopáu debaxo d’Islandia
podría ser muncho más grande que toa Europa.

Anque güei yá cuntamos col mapa más detalláu de la Vía Láctea que se creó na Hestoria, paez ser que nun tenemos tola información que querdríamos sobro la evolución xeolóxica del nuesu propiu planeta. Debaxo de les agües de les llatitúes norte, Islandia podría esconder un continente prehistóricu del que nun se tenía rexistru. Podría ser que’l país sía namá la punta de toa xuna formación predresa masiva, que permaneció cubiertu poles foles.

islandia continente

Lo que quedó de la Pangea,  Semeya: Getty Images

Los científicos refiriéronse al continente debaxo d’Islandia como “un notable secretu xeolóxicu”. Cubiertu por completu pel océanu qu’arrodia al país, esta formación xeolóxica podría develar les últimes reminiscencies tanxibles de la Pangea. Ésti foi’l supercontinente qu’arrexuntaba a toles tierres remanecíes nel planeta, pero foi destruyida polos movimientos tectónicos fai millones d’años.

De bote puestu, decidió nomase a esti continente escondíu como ‘Icelandia‘, en referencia al país que lu corona. Gillian Foulger, profesora emérita de xeofísica nel Departamentu de Ciencies de la Tierra de la Universidá de Durham, asegura que podría ser muncho más grande que toa Europa.

En total, según l’equipu de xeólogos col que trabayó Foulger, créese que puede llegar a abarca hasta un millón de kilómetros cuadraos. De comprobase la teoría, esto quería dicir que Pangea nun se quebró por completu escontra el final de la era Paleozoica, fai unos 50 millones d’años. De la mesma manera, pondría en dulda toa lo que se sabe sobro les formaciones de les isles volcániques islandeses.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *