La firma de marroquinería de luxu, cola ayuda de l’artesana llanisca Gloria Galguera, presenta una colección basada na indumentaria femenina típica del Principáu.
La necesidá d’interpretar la tradición asturiana para xenerar una propuesta absolutamente contemporanea na alta artesanía llevó a la firma asturiana de marroquinería de luxu Reliquiae a llanzar la colección única Archy Embroidery. Cola ayuda de l’artesana llanisca Gloria Galguera, especializada na confección de traxes d’aldeana y porruano, la reconocida marca de bolsos del diseñador Hector Jareño punxo na mente l´indumentaria femenina típica de la rexón y haber reinterpretado para crear los sos nuevos complementos de moda.
Ente l’amplia colección creativa atópase un modelu del icónico bolsu de la marca, bordáu de golpes al aire sobro piel y concebíu a partir del estudiu funcional de la corexa tradicional y l’analís estéticu del mandil. El mandil ye xuna pieza fondamente bordada na que se depositaba’l ricu trabayu de los bordadores como reflexu de la capacidá económica de la so propietaria.
Tamién bordada sobro piel, la bandolera amuesa’l trabayu inspiráu na funcionalidad y l’estética decorativo y espresivo del dengue y el mandil tradicional. Esta pieza actual, ta afatada en degradé simétricu con aplicaciones de taracea de color en piel. Coles mesmes, la colección cunta con un complementu de piel de vacunu ellaboráu a partir de la típica pañoleta y de dichu cachu de tela que tien forma d’aspa y va atáu al llombu.
Xuna variedá d’artículos colos que Reliquiae consolida xuna trayectoria d’investigación, recuperación y actualización de saberes tradicionales, pertenecientes a oficios en riesgu de desapaición. Coles mesmes caltien la so esencia de defender el papel fundamental de la moda d’autor como axente cultural ya identitario de primer orde.
La colección puede apreciase nel showroom esperiencial La Tienda del Futuru de Madrid ye Moda gracies al impulsu de la Sociedá de Promoción Esterior Principáu d’Asturies (Asturex). Tamién la implicación de l’Asociación de Ceadores de Moda d’España (ACME) favoreció a que’l proyectu de tradición, creación y artesanía atope se pavonee na nueva edición de la pasarela internacional.
«Ye bien importante la presencia de los nuesos meyores creadores p’amosar y *reinterpretar el traxe tradicional del Principáu d’Asturies, al pie de la excelencia, tradición ya innovación qu’apurre la empresa *Reliquiae col equipu d’Héctor Jareño y la bordadora Gloria Galguera», reconoció Teresa Vigón Arvizu, directora xeneral d´Asturex, na presentación del proyectu. «Participamos nesta iniciativa xuntu a ACME, convencíos del potencial del sector de la moda n’Asturies y la so promoción internacional, que, a lo último, ye la estratexa cola que trabayamos n´Asturex», destacó.