El índiz de participación nes elecciones a la Xunta Xeneral del Principáu celebraes ayeri asítiase nel 64,40%, con cerca del 100% escrutao, lo que supon una medría de casi un 2 % al respective de los comicios de 2019, nos que la participación foi del 62,44%. En total, exercieron el so derechu al votu 539.829 persones, frente a les 536.059 de 2019.
Por circunscripciones, y con más del 95% escrutao, na central algamóse un porcentaxe de participación del 63,4; na occidental rexistróse un 67,8%; y na circunscripción oriental, el 68,1.
Fonte: Actualidad Asturies / https://acortar.link/GT63Ll
La xornada electoral desenvolviose n’Asturies con total normalidá. Empecipió cola constitución de les 1.559 meses electorales -1.205 na circunscripción central, 228 na occidental y 126 na oriental-partíes en 706 locales de los 78 conceyos. Nestos comicios, 958.640 persones podíen exercer el so derechu a votu, de les cualos 835.451 taben llamaes ayeri a les urnes, mientres otres 123.201, que formen parte del Censu Electoral de Residentes Ausentes (CERA), podíen emitir los sos sufraxos per corréu.
