- Nenyuri / Facebook
Trátase d’un llibru para neños con edaes ente 0 y 6 años anque, como asocede siempres con esti tipu de lliteratura, ta abiertu a tolos públicos y, de xuru, los adultos tamién van atopar un bon rincón nel so espíritu p’acoyer esta hestoria.
Un viaxe pola imaxinación. La narradora y poeta avilesina, Susana Sela, premiu Fernán Corones texe páxines templaes, con una hestoria na que nun falten munchos elementos por demás curiosos pa pequeños y mayores. Maite Isla, profesora de belles artes afincada en Piloña, afigura gráficamente, con precioses y coloristes ilustraciones, l’alma d’esti viaxe pola imaxinación.
El llibru foi editáu en llingua asturiana y castellán, anque llueu va tar tambien en gallegu, catalán, euskera y n’inglés, gracies a la increíble collaboración de Ashley Mariani. Ta publicáu por Nenyuri Editorial. Más información NESTI ENLLAZ
Trátase d’un primer llibru d’una serie que va tener como protagonista a un neñu llamáu Maximín. Un chaval inquietu que va vivir munches aventures al traviés d’un mundu máxicu nel que xanes, trasgos y un cientu de seres mitolóxicos, tienen cabida. Illustración.
