L’ídolu de Peña Tu (n’asturianu Peñatú) atopase na localidá de Puertes de Vidiago, perteneciente al conceyu de Llanes (Asturies, España).
El conxuntu neolíticu de pintures y grabaos apaecen reflexaos na cara empobinada a llevante d’esta peña allugada nel final de la sierra Plana de la Borbolla; esta situación fai que la roca forme un abrigu natural para les pintures lo que fixo posible el so caltenimientu hasta los nuesos díes, calteniéndola de les inclemencies meteorolóxiques.
La roca ye conocida dende l’antigüedá polos habitantes de los pueblos cercanos, magar nun ye hasta 1914 cuando se realicen les primeres investigaciones arqueolóxiques, destacando dende’l primer momentu la figura que da nome al enclave: l’ídolu.
