Publicado en Campañes, Deportes

Campaña: «Yes movimientu» promocionar l’actividá física ente la población infantil y mozo.

 

Cultura impulsa la campaña «Yes movimientu/Es movemento» pa promocionar l’actividá física ente la población infantil y mozo.
La campaña, que va tar presente en medios dixitales y mupis, desenvuélvese en trés llingües: en castellanu («Eres movimiento»), n’asturianu («Yes movimientu») y n’eonaviegu («Es movemento»).

La Dirección Xeneral de Deporte punxo en marcha la campaña Yes movimientu/Es movemento, pa promocionar l’actividá física ente la población xeneral, pero dirixida especialmente a escolares de 6 a 16 años. Les midíes derivaes de la pandemia del coronavirus amenorgaron notablemente la participación deportiva n’ámbitu escolar, polo qu’esta iniciativa busca volver incentivala.

Al traviés de polítiques de prevención, como la mesma campaña, Deporte quier combatir la obesidá, un importante factor de riesgu pal desenvolvimientu d’enfermedaes non tresmisibles. L’escesu de pesu ente la población asturiano ye muncho más altu de lo deseable y la so prevalencia tan grande convierte esti fechu nun problema de salú pública. Esmolez especialmente la presencia de diabetes tipu II y los altos niveles de colesterol, unos rexistros qu’antes solo se víen n’adultos y qu’agora apaecen de forma frecuente ente neños y neñes.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *