Mattel ruempe barreres y presenta la so nueva Barbie con Síndrome de Down. La nueva muñeca recibe aponderamientos por representar la diversidá y faer más inclusivos los xuguetes. Fonte.
“La muñeca pretende inspirar a tolos neños a cuntar más hestories al traviés del xuegu”
La muñeca Barbie, con cintura d’aviespa, güeyos azules maquillaos y coleta rubia, dase a conocer per primer vegada n’una Feria Internacional del Xuguete de Nueva York el 9 de marzu de 1959. Una versión qu’adulces se foi dexando tras para apostar pola naturalidá, la diversidá y l’empoderamientu. La icónica muñeca, que lleva siendo’l xuguete estrella mientres más de 6 décades, representa agora meyor que nunca la realidá social. Apocayá menos d’un añu, el 5 de mayu de 2022, llanzó una edición “trans” de Barbie.
En busca d’un diseñu fiel a la realidá y col enfotu de nun cayer n’estereotipos, Mattel collaboró cola National Down Syndrome Society d’Estaos Xuníos nel diseñu de la muñeca.
La nueva versión de Barbie, que según Mattel foi supervisada por un profesional médicu, tien una cara más arrondada y unos guapos güeyos llixeramente inclinaos en forma d’almendra. Amás lleva unes prótesis ortopédiques que ayudenla a andar y un significativu vistíu floriáu en tonos azules y mariellos, colores que representen el Día Mundial del Síndrome de Down.
La nueva muñeca recibe aponderamientos por representar la diversidá y faer más inclusivos los xuguetes. La empresa yá la comercializa na so páxina web al preciu de 14,99 €, pertenez a la serie Barbie Fashionista y ufierta «un cientu de posibilidaes para cuntar hestories y xugar cola moda. Con esta gama de muñeques inclusives, los más pequenos pueden ver lo risondero que ye espresar la so personalidá al traviés de la moda», esplica Mattel.
Cola coquetería que caracteriza a Barbie, a esti nuevu modelu non podíen falta-y los complementos. Nesti casu, optaron por un collar rosa con trés fleches que, como la empresa esplica, ye una representación de la tercer copia del cromosoma 21 que tienen les persones con síndrome de Down, y tán apuntando pa escontra fora para simbolizar l’acción de llevantase y siguir alantre. Esti síndrome ye xuna afección xenética causada por tener un cromosoma 21 de más y puede provocar retrasos de la crecedera, el desenvolvimientu y l’aprendizaxe, en distintos niveles.
Nos últimos años, Mattel llanzó llínees de Barbie más inclusives, incluyida xuna inspirada en muyeres de la vida real qu’han trastornado les normes sociales. En 2017, llanzó xuna muñeca con hiyab, inspirada en Ibtihaj Muhammad, xuna esgrimista que se convirtió na primer estadounidense en competir y ganar una medaya olímpica cola prenda.
