Publicado en Curiosidaes, Deportes

¿Cuántu valen les medayes de los Xuegos Olímpicos?

Les medayes de plata, oru y bronce (d’esquierda a derecha) utilizaes nos Xuegos Olímpicos de Tokio 2020.

El diseñu de les medayes camuda en tolos xuegos, y nesta ocasión son obra de Junichi Kawanishi. Caúna de les medayes d’oru, plata y bronce tien 85 milímetros de diámetru y una grosez que bazcuya ente 7,7 y 12,1 mm.

La medaya d’oru ta fecha de plata puro chapada n’oru, con unos 6 gramos d’oru pa un pesu total de 556 gramos. La medaya de plata ta fecha de plata puro y pesa unos 550 gramos, ente que la de bronce pesa aprosimao 450 gramos y ta fecha en realidá d’un 95% de cobre y un 5% de cinc.

A los precios actuales, esto significa que la medaya d’oru valdría unos US 800 si fundiérase, ente que la de plata valdría unos US 450 y la de bronce unu US 5.

El diseñu de les medayes Olímpiques de Tokio 2020 reflexa’l conceutu de que, para algamar la gloria, los atletes tienen de lluchar pola victoria a diariu. Les medayes asemeyense a piedres en brutu que s’apolazaron y agora rellumen, siendo «lluz» y «rellumu» les sos temes d’inspiración. Les medayes recueyen y reflexen innumberables patrones de lluz, simbolizando la enerxía de los atletes y de quien los sofiten. El so diseñu pretende simbolizar la diversidá y representar un mundu onde s’honra a les persones que compiten en deportes y trabayen duru para ello. El rellumu de les medayes significa la templada rellumada de l’amistá, simbolizando persones de too el mundu garraes de la mano.

Col fin de crear una gama de diseños para escoyer, Tokio 2020 entamó un concursu abiertu a diseñadores profesionales y estudiantes de diseñu qu’atraxo a más de 400 participantes.

Les regulaciones del Comité Olímpicu Internacional axusten que’l diseñu anverso de la medaya tien d’incluyir los siguientes elementos:

Nike, la diosa griega de la victoria, frente al estadiu Panathinaikos.
El nome oficial de los respectivos Xuegos, nesti casu, Xuegos de la XXXII Olimpiada Tokio 2020.
El símbolu Olímpicu de los cinco aníos.

Los materiales para fabricar les medayes llograronse del recicláu de dispositivos electrónicos en desusu, que’l comité organizador recoyó mientres de dos años -ente abril de 2017 y marzu de 2019- en ciudaes, pueblos y aldegues de too el país, como parte del programa «Proxecto Medaya Tokio 2020». Un total de 78,985 tonelaes de vieyos celulares, cámares dixitales, consoles portátiles y notebooks fueron desmantelaos pa tal fin.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *