Dende 2005, cada 20 de xunu, celebramos el Yellow Day, yá que se considera que se dan tolos factores para considerase unu de los díes más felices del añu.
¿Somos más felices pel branu?
Esta dómina del añu, a la que vamos dar la bienvenida esti próximu miércoles y que va tar acompañada por un aumentu xeneralizáu de les temperatures, ta caracterizada porque los díes son más llargos y les nueches más curties. Envalórase que cuando’l mercuriu marca 21 graos, tamos de meyor humor, una y bones el nuesu organismu nun precisa realizar nengún trabayu extra para caltener la temperatura corporal.
“La producción de serotonina (neurotransmisor rellacionáu col control de les emociones y l’estáu d’ánimu) aumenta mientres la dómina braniza, al empar qu’el nuesu celebru xenera menos melatonina (hormona qu’ayuda a regular el ritmu circadiano)”.
La serotonina amonta cuando practicamos actividá física de forma regular, realizamos más planes al campu, mengüen los niveles de *estrés (especialmente mientres les vacaciones) o dormimos les hores encamentaes polos espertos.
“Unu de los tratamientos esenciales para los síntomes de depresión o ansiedá ye que los pacientes tengan más actividaes nel día ente día, lo que repercute nel so estáu d’ánimu”. Sicasí, esto nun quier dicir qu’haya más consultes psicolóxiques pel hibiernu que pel branu. Anque l’estáu d’ánimu pueda ameyorar mientres la dómina braniza, prodúcense más consultes por problemes de relaciones de pareya.
