“Más sabe’l que vive ensin querer saber
qu’el que quier saber ensin vivir”.
Benito Pérez Galdós, («Fortunata y Jacinta”).
El 4 de xineru de 1920 dexábanos Benito Pérez Galdós, novelista, dramaturgu, cronista y políticu consideráu unu de los meyores representantes de la novela realista del sieglu XIX. Académicu de la Real Academia y nomáu al Premiu Nobel en 1912, morrió probe, enfermu y solo.