Publicado en Artículos

Lliteratura asturiana: La infantilización de la mitoloxía

Qu’Asturies ye ún de los países con una mitoloxía más rica ye dalgo qu’inoren poques persones. Hasta fuera de les propies llendes d’Asturies, la mitoloxía asturiana conozse (anque seya someramnete). Cuélebres, Trasgos, Xanes, Nuberos, Homes Marinos, Busgosos… y unes cuantes criatures más faen de la mitoloxía asturiana una de les más amplies de la Península Ibérica. Pero… ¿Treslládase esta bayura de la mitoloxía asturiana a les artes y a la cultura asturiana d’actual? ¿Ta presente na lliteratura o na música? ¿Conozse fuera d’Asturies?

Nun se pue ñegar que na lliteratura asturiana la mitoloxía tea presente. Y ello ye qu’hai munchos escritores que trataron la temática de la mitoloxía pente los que destaquen Enrique Carballeira, Xuan Bello o Dolfo Camilo. Sicasí, les obres nes que traten la mitoloxía que fixeron estos trés escritores tienen dalgo en común: Son infantiles. Cuélebres, Xanes, Nuberos y Busgosos paez que son personaxes pa una canción, colos que llamar a un grupu de música y hasta a una mascota… Tamién pa un llibru infantil pero… ¿Hai posibilidaes de ver la mitoloxía fuera d’estos ámbitos?

 

 

Autor:

Maestra de Llingua Asturiana Colexu Carmen Ruiz-Tilve - Uviéu