L´Antroxu  n´Asturies

La fiesta que n’otres partes llámase Carnaval, n’Asturies llámase “Antroxu”. Les mazcaraes d’iviernu y la costume d’amarutase, celébrase dende Navidá hasta’l Antroxu. Los mazcaritos son personaxes del Antroxu tradicional d’Asturies. Ente ellos atopamos: sidros, guirrios, reises, aguilanderos, bardancos o zamarrones.

Nesta fiesta la xente amarutase de munches coses/temes, pa divertise. L´Antroxu ye una fiesta bien antigua. Antes, la xente nun mercaba amarutes, utilizaba ropa vieyo qu’había nos desvanes de les cases. Tamién s’amarutaben con pieles d’animales, como oveyes. Pintábense la cara de negru con un corchu quemáu u hollín, o se faíen mazcaritos o caretes de cartón.

Yeren típiques les comparses: grupos de persones que se xunen p’amarutase en grupu, cantar, baillar, faer bromes y armar bullicio poles cais. Los concursos de comparses son bien vistosos y risonderos.

Evaristo Valle foi un pintor xixonés del sieglu pasáu que pintó cuadros bien bonitos del Antroxu. Pintó más de 200 cuadros d´Antroxu.

/

Baile de carnaval  (1917). Evaristo Valle.


Folixa, mázcares y gastronomía axúntense nestos cinco díes próximos en toda Asturies na celebración del Antroxu. Esta festividá asturiana entamaba nel pasáu col solsticiu d’iviernu y agora resúmese a les xornaes previes al Miércoles de Ceniza, primer día de la Cuaresma.

Los antroxos de Xixón y Avilés son los más importantes en cuantes a programa institucional y participación. Música y delles actividaes más orientaes a asemeyase a los carnavales de Rio de Janeiro, Tenerife, Las Palmas o Cádiz qu’a otra cosa, protagonicen estes xornaes na que la xente participa antroxándose, anque con mázcares lloñe de la tradición.

N’Avilés l´Antroxu ye una gran fiesta: empieza con un desfile de escolinos antroxaos (amarutaos, disfrazaos) nel que participen los escolares de los colexos de la ciudá y entamaos n’allegres comparses. Mientres díes, la ciudá tresfórmase, los chigres y comercios afátense y la xente sale a la cai amarutada. Tolos díes hai concursos, charangues y conciertos. El sábadu celebra’l Descensu Internacional y Fluvial de la Cai Galiana. Consiste nun percorríu en carroces decoraos que baxa pola cai Galiana, que s’enllena d’espluma pa esta fiesta.

Como’l Antroxu celébrase pel hibiernu y ésta ye xuna dómina de fríu, n’Asturies la xente suel comer enforma (mucho), sobremanera pote de berces (ellaboráu con fabes, berces, pates, carne y embutíos de gochu) o tortos con picadiellu.

Los postres o llambionaes del Antroxu son: los frixuelos, les casadielles, les torrixes, la lleche frito o los buñuelos. Tamién los picatostes. Los frixuelos (o fayuelos) tán fechos de güevos, farina, lleche, sal, azucre, rayadura de llimón y xuna cuyarada d’anís o coñá. Los picatostes facense con pan del día anterior, lleche, canela, azucre, piel de llimón, güevos y vinu blanco.

                   “Nel Antroxu hartura, dempués fame segura”

Receta de frixuelu: dulce asturianu más típicu del Antroxu

Similares a les filloas gallegues o a los crepes franceses, los frixuelos asturianos tienen personalidá propia. Dulces o salaos, son un postre bien completu y nutritivu, ideales pa celebrar estes fiestes llenos d’enerxía.

Lo primero afaer la cantidá de farina hasta que veáis que la masa al llevantala con un cuyarón «nun ruxe», ye dicir nun se sienta al cayer, asina que nun debe de quedar demasiao llixera. Amás, encamiéntennos ser pacientes, la masa debe de reposar a lo menos media hora pa llograr el so puntu esactu, y d’últimes utilizar una bona sartén, que tenga bona base y nun se peguen los alimentos pa llograr un frixuelo enteru y col so puntilla fina alredor.

Ingredientes (Pa 4 persones)

•      Farina de trigu: 200 g
•      Güevu M: 4 unidaes
•      Azucre: 2 cuyaraes soperes
•      Lleche: 500 ml
•      Aceite de xirasol: 15 ml
•      Llicor d’anís o coñá: 1 cucharada
•      Azucre pa espolvoriscar: al gustu
•      Sal: xuna plizca

 

 

Cómo faer frixuelos:

 

  • Dificultá: Fácil
  • Tiempu total 30 m
  • Ellaboración 10 m
  • Cocción 20 m
  • Reposu 30 m

 

Vamos empezar batiendo llixeramente los güevos, añedimos l’azucre y removemos hasta que nun veamos grumos. Dempués añedimos la cuyarada d’anís coñá, la lleche y xuna plizca de sal. Batemos de nuevu pa entemecer (mezclar) bien los ingredientes.

Adulces vamos añediendo la farina, removiendo con unes varilles. Una vegada ensin grumos, pasamos la masa a la nevera o a una habitación fresca y dexamos reposar un mínimu de 30 minutos.

Añedimos xuna gota d’aceite al sartén antiadherente y con un pincel o un papel de cocina, estendemos por tola superficie. Tenemos de untar el sartén mui poco, nun se debe de percibir l’aceite. Echamos un cucharón de masa y xirando el sartén coles mesmes estendemos la masa por tola base, que quede xuna capa fina.

Vamos cocinando los frixuelos mientres unu o dos minutos per cada llau, a fueu medio, d’un valor de 9 al 7, más o menos hasta que tean doraos y con un bordecito cruxiente.

Recetes n´asturianu: Frixuelos / Tarta de Fixuelos / Freixuelos

  / 


/


/

 

 

 

 

 

CASADIELLES: La casadiella (en plural, en asturiano, casadielles) es un dulce típico asturiano. Se trata de una especie de empanadilla frita elaborada con una masa de harina de trigo que se rellena con una mezcla de nueces (y/o avellanas en algunas zonas), azúcar y anís. También se pueden elaborar con masa de hojaldre, haciéndose en el horno. Al servir se espolvorea su superficie de azúcar. Se suele servir como postre. Como su ingrediente principal son los frutos secos, se conjetura que su origen puede ser astur, es decir prerromano.