La fiesta de La Balesquida, Martes de Campu o Martes del Bollu ye una fiesta que se celebra na capital del Principáu d’Asturies, Uviéu, a finales de mayu o principios de xunu coincidiendo col primer martes posterior a pentecostés, siendo día non llaborable na ciudá. La fiesta remonta´l sieglu XIII para celebrar la donación efectuada por Balesquita Giraldez al gremiu de xastres d’Uviéu.

La fiesta empieza cola llectura del pregón, la procesión de la Virxe de la Esperanza dende la Capiya de La Balesquida hasta la ilesia de Santiso. Mientres el día parte’l bollu preñau (bollu relleno de chorizu) y la botella de vinu ente los cofrades. Los uvieinos pasen la xornada con comida y bebida nes zones verdes de la ciudá. La confrería pervivió hasta güei, evolucionada naturalmente tocantes a naturaleza y funciones, inclusive hasta nel nome de la so fundadora: La Balesquida.

¿Quién foi Balesquita Giráldez?

Velasquita Giráldez o Balesquita Giráldez (¿? – 1232) foi una rica dama uvieina d’orixe francu famosa poles sos obres de caridá. Foi esposa de Fernando Gonzálviz. Ente les sos obres ta la donación a la confrería de xastres un hospital​ xuntu cola so dote.

Otra donación so fueron terrenales de rosales de la so propiedá a la confrería asitiaos na cai denominada anguaño La Rosal n’Uviéu. El so cuerpu ta soterráu nuna pilastra de la ilesia de Santiso. N’Uviéu, ciudá de la que foi benefactora, hai xuna cai col so nome dende 1969. (Ver cai).

Ilesia S. Tirso

Capilla de La Balesquida

 

Ye’l llugar de cultu y sede de la Confrería de La Balesquida, fundada en 1232 tres la donación testamentaria d’un hospital para pelegrinos y ciudadanos y otres propiedaes para’l caltenimientu del mesmu, a la confrería d’alfayates o xastres de la ciudá d’Uviéu, per parte de la noble uvieina Doña Balesquida Giráldez, gran benefactora de la ciudá mientres el sieglu XIII, por quien toma’l nome tantu la confrería como la capiya. Esti orixe na confrería de xastres recuérdase anguaño cola presencia d’unes tisories nel balcón d’esquina de la capiya, como puede vese na semeya. La capiya ta dedicada a la Virxe de la Esperanza.

&

Capilla de La Balesquida, na Plaza de la Catedral d´Uviéu
Capilla de La Balesquida

Vi

Virxe de la Esperanza

El bollu preñao consúmese especialmente en comíes campestres, al campu, fiestes locales y n’especial na fiesta del Martes de Campu n’Uviéu, onde s’acompaña con vinu. Atópase en casi toles panaderíes asturianes mientres tol añu y el so consumu nun ye solu festivu, sinón tamién cotidianu. Siempres va bien con un culín’ de sidra ya inclusive con vinu blanco. Otres fiestes nes qu’apaez tradicionalmente el bollu preñau ye les fiestes de -yos Comadres que se celebra en Pola de Siero, la Fiesta del Bollu de Les Arriondes que se celebra l’últimu domingu de xunetu y en múltiples celebraciones n’Asturies.

Por riegla xeneral puede dicise que ye un productu típicu d’Asturies y que s’esportó ” con llixeres variantes dende Asturies y Cantabria a ciertos pueblos de Castiella y Llión. D’esta forma, atópase tamién nos pueblos de Salamanca, según en delles localidaes de la Provincia de Zamora que lo denominen “bolla”.

 Canal de RAQUEL CAMIÑA en Youtube