«La pita con pitinos”
Autora: Carmen López Glez
Cerca de la praera,
Vestía toa de verde,
Semá de floriquines,
metanes la caleya,
al lláu la casina
onde vive mi güela,
recuérdola movese…
como una bailarina:
Col so “tutú”de plumes,
da pasos piquiñinos,
enchipá y presumía…
Da cuando,
apárase un momento,
y queda n’equilibriu
namás sobre una pata…
xinga la cabecina,
igual q’ un periscopiu,
p’acá y p’allá …Vixila
pa que dengún peligru
amenace la “cría”…
Siempre lleva delante
a tolos “rapacinos”
¡non los pierde de vista!
Son…8 ó 10…
Tóos iguales,
bolines de algodón ,
texíos en colores:
Unu prietu, unu blancu,
Y los otros,
mariellos o marrones…
Cacarexa …
Picotia con esmeru
Y escargata afanosa
de un lláu pa otru…
Y dimpués p’entre’l suelu…
A la rebusca:
Merucos, piedriquines,
un granu de maíz,
una yerbuca..
una riestra formigues…
Daqué valioso,
Pa llevar a la boca…
Y, como cualquier madre,
cuando por fín lo atopa,
otra vez cacarexa y alborota…
Pero…nun ye pa ella, non,
pa ella nun lo atroca.
siempre sacrificada,
entregá y cariñosa,
va llamando a la “prole”, con orgullu
Y entós, los “rapacinos”
esnalen como llocos,
Y cuerren antroxaos,
dando coles patuques en el culo…
Trambúrriense , pipiando
en busca de la “xinta”
que ye…escasa pa tóos…
dende un pal otru llau…
¡Zámpala el que la pilla!
Y quédense los otros
allampaos, famientos,
a la espera
del próximu “bocau”.
Metantu que la madre,
con pacencia,
entama deprendelos a buscalu…
Per esu se preocupa
de que sepan
que a naide la “manduca”
Y la dan “de regalu”…
Porque quier ensiñálos
ya dende piquiñinos…
a buscase la vida…
a arreglase solinos…
¡Que guapa estampa
tan familiar y tierna,
“La pita con pitinos”.
Carmen…Junio 2020