Esperamos cielos nublos con precipitaciones qu’entá van ser significatives mientres la mañana. A lo llargo de la tarde, anque nun se refuguen entá agües débiles, van tender a unviar sobremanera nel tramu final del día. Ello ye que nun se refuga l’apertura de delles escamplaes antes de concluyir la xornada. La cota de nieve va empezar sobre los 1000 metros y va dir xubiendo progresivamente hasta los 1400 metros. Hasta les 10:00 hores de la mañana va tar activáu entá l’avisu mariellu nel cordal por nevaes a partir de los 1000 metros d’altor.
Los vientos van predominar de componente norte y van acabar siendo variables. Estos vientos van ser moderaos na mariña y fluexos nel interior. Les temperatures máximes van xubir un par de graos respecto al vienres nel terciu sur, y van caltenese ensin cambeos nel restu. Les mínimes apenes van variar polo xeneral.
El domingu prevese tiempu estable anque con enclín a aumentar la nubosidá mientres la xornada. La probabilidá de precipitaciones va ser bien baxa, pero nun se refuga que pueda escapase dalgún orbayu nel interior pela tarde. Les temperatures máximes van xubir de forma notable nel occidente y de forma moderada nel oriente. Les mínimes, sicasí, van baxar al respective de les qu’anotemos el sábadu.
