Esti 1 de xunu empieza’l branu meteorolóxicu (l’astronómicu va empecipiar el 21 de xunu) y va facelo cargáu de nubosidá en tol Principáu d’Asturies. Va Ser una xornada nada veraniega que va faltar enforma de la vivida’l pasáu xueves cuando superáramos los 30 ºC n’Asturies. Poro, mientres tol día de güei prevense cielos cubiertos con posibilidá de precipitaciones débiles que podríen afectar a cualquier puntu de la rexón. Los vientos van soplar de norte-nordeste fluexos polo xeneral con dalguna qu’otra racha moderada, sía que non, na mariña. Les temperatures máximes apenes van variar na mariña, llixeramente nel restu de la metá norte, y de forma más significativa escontra’l sur onde podríen ser hasta 6 ºC más baxes que les anotaes el sábadu.
El llunes tamién va ser un día marcáu peles nubes y les precipitaciones nuevamente. Los vientos van soplar de nordeste con raches moderaes sobremanera na mariña. Les temperatures van ser bien similares a les de güei. A lo llargo del martes dirán abriéndose grandes claros, pero’l miércoles volverán esperase agües.
