Vamos tener un día estable en llínees xenerales. La mañana va presentase asoleyada en gran parte del Principáu cola presencia, a lo sumo, de dellos intervalos de nubes altes que van dir de menos a más. Pela tarde ye posible que tamién apaezan nubes de tipu mediu y nun se refuga dalgún bastios nel cordal y zones próximes. Les temperatures máximes van baxar nel interior y van caltenese ensin cambeos na mariña. Les mínimes van baxar llixeramente en tola rexón. Los vientos van soplar de sur nel cordal y nel terciu oeste mientres la mañana, y pela tarde van predominar les raches moderaes de nordeste na mariña, ente que nel restu d’Asturies van acabar siendo fluexos y variables.
- El vienres vamos tener intervalos nublos pela mañana con enclín a aumentar la nubosidá col intre de les hores. Les temperatures máximes apenes van variar y les mínimes van poder xubir un pocu namá nel interior central. Nun ye descartable delles precipitaciones débiles pela tarde.
- El sábadu preve un descensu xeneralizáu de les temperatures diurnes de forma que en munches localidaes nun consigan superar los 20 ºC (en munches poblaciones nin siquiamente van #algamar).
- Pocos cambeos pal domingu.
