- Fonte: LNE /
Los asturianistes salen a la cai n’Uviéu y carguen contra’l Gobiernu: “Nun nos dexamos engañar polos que dicen defender la oficialidá, y son los que dempués non faen nada”. Miles de persones participaron esti mediudía na marcha para esixir la reconocencia de la llingua. La presidenta de la Xunta pola Oficialidá dedicó palabres bien dures tantu a los partíos de la derecha como de la esquierda.
Dellos centenares de persones participaron esti sábadu n’Uviéu na tradicional manifestación pola oficialidá del asturianu y del eonaviego nel marcu de la ‘Selmana deles Lletres Asturianes’, convocada pola Xunta pola Defensa de la Llingua Asturiana (XDLA), na que reclamaron igualdá de derechos llingüísticos y la reconocencia oficial de les llingües propies.
La marcha partió de la estación de Renfe y percorrió la cai Uría hasta desaguar na plaza de La Escandalera, onde se lleó un manifiestu apelando a la unidá del movimientu reivindicativu énte los tiempos complicaos» actuales. Tamién apostaron por tar «centraos nos oxetivos de la oficialidá y los derechos llingüísticos».
Pa la XDLA la reforma del Estatutu d’Autonomía vuelve asitiar la oficialidá nel alderique políticu, lo que consideró un llogru del movimientu social anque llamentó que los votos de la derecha asturiana puedan bloquiar de nuevu esta aspiración histórica.
La enseñanza foi mentada como otru de los puntos críticos: «Vivimos instalaos nos años 80 costantemente».
«Cada minutu que pasa ensin oficialidá ye una vergüenza para los valores democráticos n’Asturies y para la supervivencia del patrimoniu llingüísticu», remató’l manifiestu de la XDLA, que recordó al escritor y periodista Damián Barreiro como exemplu d’entrega a la causa por una comunidá con derechos llingüísticos plenos.
