Esperamos cielos bien nublos o cubiertos pela mañana. Esta nubosidá va dexar precipitaciones de calter débil mientres la mañana y, posiblemente, tamién nes primeres hores de la tarde. Pero va ser a lo llargo de la tarde cuando unvie la inestabilidá y váiganse abriendo claros dende l’occidente. A la fin del día preven cielos poco nublos con, a lo sumo, nubes de tipu altu insignificantes. Los vientos van ser fluexos polo xeneral predominando de noroeste-norte. Les temperatures máximes van xubir namá nel terciu oeste y van caltenese ensin cambeos nel restu. Poro, esperamos un día nel que va ser bien difícil algamar los 20 ºC na rexón. Les temperatures mínimes, pela so parte, van baxar nel interior oriental y apenes van variar nel restu.
El miércoles prevese nubosidá variable con posibilidá de dellos orbayos pela mañana que van unviar rápido. volverán abrise grandes claros mientres la segunda parte del día. Les temperatures máximes van xubir sobremanera nel interior central. Les mínimes nun van esperimentar cambeos. Para’l xueves vamos tener un día soleyeru n’Asturies nel que van xubir les temperatures.
