- Esperamos una xornada na que los bastios van tener ciertu protagonismu mientres el día. Van ser muncho más frecuentes nel cordal y gran parte de la metá sur asturiana, pero nun se refuga que localmente puedan llegar a afectar a otros puntos de la rexón. Estos bastios podríen venir acompañaos de nube y, inclusive, de xarazo.
- Los vientos van ser fluexos y variables de primeres, afitándose de nordeste a lo llargo del día, sobremanera na mariña onde van poder soplar con intensidá moderada.
- Les temperatures máximes van baxar (hasta 2 o 3 ºC) en tol interior asturianu y van caltenese ensin cambeos na mariña.
- La cota de nieve va asitiar nos cumes más altos del Principáu (percima de los 2100 o 2200 metros).
El sábadu vamos tener una mañana sele onde se preven nubes y claros pero, a partir del mediudía, la nubosidad va aumentar para dar pasu a una tarde na que los bastios volverán cobrar protagonismu nuevamente, pudiendo ser localmente fuertes nel cordal y significativos nel restu del interior. Les temperatures van xubir nel cordal y nel interior oriental.
