¿Qué ye un petón/arrecife de coral? Acordies con información de la División d’Ecosistemes Marinos del programa de la ONU para’l mediu ambiente, los petones de coral nun son vexetales, sinón animales coloniales llamaos zooides o pólipos.
Les colonies fórmense con cientos de miles d’individuos y pueden algamar grandes tamaños. Les microalgues que viven en simbiosis dientro de los corales comparten con ellos la enerxía que llogren al traviés de la fotosíntesis, polo qu’estos precisen vivir n’agües clares y pocu fondes con muncha lluz. Anque esisten esceiciones, ye pocu probable atopar corales a más de 50 metros de fondura.
Los petones tán en peligru. Debíu al calentamientu global, la contaminación, la pesca escesiva, la sedimentación y más, los corales s’estresan, espulsen les microalgues nel so interior, blánquiense, carecen y muerren.
De siguir asina pal añu 2050 van perdese del 70 al 90 per cientu de los petones de coral.
