Eperamos una xornada estable en tol Principáu d’Asturies.
- La probabilidá de precipitaciones va ser prácticamente nula. Sía que non, nun se refuga que pueda escapase dalguna gota ensin importancia nel cordal pela tarde. Pero que’l día sía estable nun tien por qué ser sinónimu de cielos soleyeros.
- Concretamente, prevese abondo nubosidad sobremanera na metá norte de la rexón pela mañana y más claros escontra’l sur. Conforme meyora’l día, la nubosidad tamién va afectar al cordal y restu de zones del interior.
- Los vientos van ser fluexos predominando de norte-noroeste. Les temperatures máximes van xubir hasta 3 o 4 ºC na metá sur y un par de graos na metá norte, salvo na mariña onde l’ascensu va ser bien llixeru. Les mínimes van xubir nel suroccidente, van baxar en delles zones del sector oriental y van caltenese ensin cambeos nel restu.
- El miércoles tamién va predominar la nubosidad n’Asturies pero ensin precipitaciones. Les temperatures máximes, nel casu de mañana, van baxar de forma xeneralizada y bien significativa. Los vientos van siguir siendo fluexos de norte-noroeste.
