- Alborecemos con nubes de desendolque na fastera oriental d’Asturies y medrando tamién al sur de la cordelera ocidental, amás de delles nublines y borrinos na fastera central con unes temperatures que tan alrodiu de los 17ºC, rexistrándose nel puirtu Payares 16,9ºC.
- Güei van dir dixebrándose durante la mañana los borrinos del alborecer asina como les nubes de desendolque que medraron durante’l riscar, pa dexanos unes hores centrales del día con escasa nubosidá y sol asgaya, asina y too les temperatures másimes descenderán moderadamente ya normalizaranse con másimes que malpenes algamarán los 25ºC.
- Durante la tarde dirán desendolcándose les nubes de nuevu de suroeste a noreste con tronaes na fastera centru-oriental d’Asturies que podrán venir acompangaes d’aparatu elléutricu. L’aire sedrá sele ya variable con raches moderaes en zones de tormenta.
- Mañana sábadu vamos tener nubosidá baxa principalmente cola posibilidá de dalgo d’orpín nes zones más favoretibles con vientu de componente norte que fadrá que baxen les temperatures.
- Y el domingu y llunes la nubosidá sedrá abondosa con precipitaciones febles xeneralizaes a partir del domingu pela tarde en forma d’orpín u orbayos con un descensu bultable de les temperatures.
