- Alborecemos ente’l borrín y la nublina, tando escampláu nes cumes de la cordelera con unes temperatures que tan alrodiu de los 16ºC, rexistrándose nel puirtu Payares 15,1ºC.
- Güei vamos tener el cielu mui nuboso con nubes de tipu baxu quedando les cumes de la cordelera col cielu poco nuboso o escampláu. L’orpín surdirá nes zones más favoretibles anque nun sedrá nin abondosu y xeneralizáu con unes temperatures en descensu ya col aire que sedrá sele con predominiu de la componente norte.
- Mañana domingu seguiremos col cielu mui nuboso ya con precipitaciones febles en forma d’orpín que sedrán más xeneralizaes a partir de la tardiquina con unes temperatures en bultable descesu ya col aire de componente norte sele en xeneral.
- El llunes seguiremos baxo la influencia del vientu del norte con nubosidá abondosa y precipitaciones febles en forma d’orbayu que sedrán xeneralizaes, amás les temperatures siguen descendiendo y l’aire pue soplar con raches moderaes nes zones favoretibles.
- El martes remitirá l’orpín pero caltendrase la nubosidá de tipu baxu con unes temperatures que subirán dalgo pero con másimes que malpenes algamarán los 20ºC.
