- Asturies va vese influyida por un potente anticiclón acomuñáu a una masa d’aire templao, lo que se va traducir en tiempu estable y un progresivu ascensu de les temperatures.
- Esti martes esperen cielos pocu nublos con delles gurrianes y bancos de borrina mañaneru a primer hora que van tender a estenase rápido. A lo sumo, podríen apaecer intervalos de nubes altes ensin mayor relevancia.
- Les temperatures máximes van xubir de forma xeneralizada, especialmente nel centru y nel occidente de la rexón, onde van poder amontase hasta en 4 o 5 ºC al respective de esti llunes.
- Les mínimes apenes van variar. Los vientos van ser fluexos predominando de nordeste y, sía que non, con delles raches moderaes na mariña.
El miércoles tamién va ser una xornada soleyera con un nuevu ascensu de les temperatures máximes, anque menos significativu qu’el del día de güei, xubiendo unos 2 o 3 ºC más. Les mínimes van xubir namá nel cordal y van caltenese nel restu. El xueves y el vienres vamos tener dos xornaes bien caloroses con temperatures que podríen llegar a algamar (y nun se refuga superar) los 30 ºC nel interior.
